Ол әскери қызмет кезінде өзінің 11 жасар қызының дәрменсіз күйін пайдаланған
Астананың қылмыстық істер жөніндегі мамандандырылған ауданаралық әскери соты Ақтау гарнизонының бұрынғы әскери қызметшісіне қатысты өзінің 11 жасар қызын бірнеше рет зорлау фактісі бойынша үкім шығарды. Бұл туралы Sarbaz.kz Бас әскери прокуратураның баспасөз қызметіне сілтеме жасап хабарлайды.
«Сот үкімімен бұрынғы әскери қызметкер 120-баптың 4-бөлігі «Кәмелетке толмағанды зорлау», 121-баптың 4-бөлігі «Кәмелетке толмағанға жыныстық сипаттағы зорлық-зомбылық жасау» және 3-бөлігінде көзделген қылмыстарды жасағаны үшін кінәлі деп танылды. Қылмыстық кодекстің 124-бабы «Кәмелетке толмағанға азғындық әрекет жасау» қылмысы бойынша қылмыстық-атқару жүйесінің төтенше жағдайлар жөніндегі мекемесінде ұстау бойынша өмір бойына бас бостандығынан айыруға сотталды.
Сондай-ақ үкімде бұрынғы әскери қызметкерге химиялық кастрация түріндегі мәжбүрлеу шараларын қолдану қарастырылған», - делінген хабарламада.
Сот ер адам әскери қызмет кезінде өзінің 11 жасар қызының дәрменсіз күйін пайдаланып бірнеше рет жыныстық зорлық-зомбылыққа ұшыратқанын анықтады.
Сотталушының кінәсі жәбірленуші мен куәгерлердің айғақтарымен, сот сараптамаларының нәтижелерімен және қылмыстық істің басқа материалдарымен толық дәлелденді.
Сот жарыссөздерінде мемлекеттік айыптаушы жасалған әрекеттердің ауырлығын ескере отырып, сотталушыға қатысты өмір бойына бас бостандығынан айыруды қолдану қажеттілігі туралы бұлтартпас дәлелдер келтірді.
