Ол Украинадағы соғысты тоқтатуға тырысып жатқанын айтты
Ресей президенті Владимир Путин Мәскеудің Украинадағы әскери әрекеттерін ертерек бастамағанына өкінетінін айтты. Ол бұл туралы «Россия 1» телеарнасының тілшісі Павел Зарубинге берген сұхбатында қозғап өтті, деп хабарлайды Sarbaz.kz.
«Біз өкінетін жалғыз нәрсе – лайықты тұлғалармен жұмыс істеп жүрміз деп сеніп, белсенді әрекеттерімізді ертерек бастамағанымыз», - деді ол.
Владимир Путин өз сөзінде Минск келісімдері туралы, сондай-ақ Германияның бұрынғы канцлері Ангела Меркель мен Францияның экс-президенті Николя Саркозидің келісімдерді орындағысы келмегенін, бірақ Киев режимін қаруландыру үшін уақытты ұтымды созғанын еске алды.
Өз сөзінде Ресей Украинадағы соғысты тоқтатуға тырысып жатқанын, ең алдымен оны бейбіт жолмен жасағысы келетінін айтты.
