Ол мүліктік мәселеге қатысты сот шешіміне наразылық білдірген
Шымкентте соттың шешіміне наразы болған тұрғын өзін өртеп жібермек болды. Бұл туралы Sarbaz.kz тілшісі Otyrar.kz-ке сілтеме жасап хабарлайды.
Ол Жиделібайсын-Гагарин көшелерінің қиылысындағы «Шайгүл» тойханасының шатырына шыққан.
Оқиға орнына полиция, құтқарушылар, жедел жәрдем және полиция полковнигі Ұлықбек Мылтықов келді.
Басылым мәліметінше, ер адам басындағы дауды осындай жолмен шешпек. Яғни, өзіне тиесілі тойхананы тартып алуға тырысып жатқан көрінеді.
Шымкент қаласы Полиция департаментінің баспасөз қызметінің мәліметіне сүйенсек, оқиға орнына жедел жеткен полиция қызметкерлері қайғылы жағдайдың алдын алған. Қазір қала тұрғынының өмірі мен денсаулығына ешқандай қауіп төніп тұрған жоқ.
