Министр Қарағанды облысына барды
Қарағандыда Денсаулық сақтау министрі Ажар Ғиният облыс әкімімен және ҚР ДСМ жетекші мамандар тобымен Арнаулы әлеуметтік қызметтер көрсету орталығының тоғыз тәрбиеленуші баласы ауыр уланумен түскен облыстық клиникалық аурухананың Инфекциялық орталығына барды. Бұл туралы Sarbaz.kz ведомствоның баспасөз қызметіне сілтеме жасап хабарлайды.
А.Ғиният төрт пациент ауыр жағдайда жатқан қарқынды реанимация бөлімшесінде болды. Олардың барлығы өкпені жасанды желдету (ӨЖЖ) аппаратында жатыр. Осы клиникада 10-15 жас аралығындағы тағы бес бала нейробоксирленген бөлімшеге жатқызылды, олардың жағдайы орташа ауырлық дәрежесінде деп бағалануда.
Одан әрі ведомство басшысы реанимация бөлімшесінде медициналық-әлеуметтік мекемеден түскен тағы екі пациент жатқан қалалық балалар ауруханасына барды.
Министр өңірдің денсаулық сақтау басқармасының басшыларымен бірлесіп медициналық көмек көрсету жағдайларын қарап, емдеу процесін және балалар ауруының себептерін анықтау бойынша зерттеулер жүргізуді бақылауға алды.
Мамандардың айтуынша, анықталған санитариялық-гигиеналық бұзушылықтар балалардың жекелеген тобының жіті ішек инфекцияларын (ЖІИ) тудыруы мүмкін емес. Пациенттердегі клиникалық белгілер тамақтан улануға тән емес, мұнда қайта-қайта құсу, іштің жиі өтуі, кейде қан аралас іштің өтуі, сусыздану байқалады.
ЖІИ үшін эпидепроцесс көріністерінің тән спектрі жоқ: қысқа уақыт ішінде жағдайлардың жаппай тіркелуі, барлық жастағы адамдардың, әсіресе жас балалар мен барынша әлсіреген балалардың инфекцияға бейімділігі, порцияның көлеміне және жұқтырған агенттің алынған дозасына қарай бір өнімді тұтынумен байланысы.
Денсаулық сақтау министрлігінің басшысы Қарағандыда өткен брифингте журналистердің зардап шеккен балалардың жағдайы, пациенттерге медициналық көмек көрсету барысы туралы сұрақтарына жауап берді.
Бүгінгі таңда тергеу жүргізу үшін арнайы комиссия құрылды, оның нәтижелері бойынша болған оқиғаның себебіне сәйкес ресми ақпарат алынады.
Балалардың жағдайы Қазақстан Республикасы Денсаулық сақтау министрлігінің бақылауында. Қажетіне қарай консилиумдар, елдің жетекші бейінді клиникаларымен телемедициналық консультациялар өткізілетін болады.
Қажет болған жағдайда балаларды республикалық ұйымдарға ауыстыру жүзеге асырылады.
