Жарыста 30 елдің 600-ден аса спортшысы бақ сынады
Біріккен Араб Әмірліктерінің Әл-Фуджайра қаласында таэквондодан Fujairah Open G2 халықаралық турнирі аяқталды. Бұл туралы Sarbaz.kz Қорғаныс министрлігінің баспасөз қызметіне сілтеме жасап хабарлайды.
Жарыста 30 елдің 600-ден аса спортшысы бақ сынады. Қазақстандық таэквондистер төрт жас санатында жеңіске жету үшін сынға түсті.
Ақтық жекпе-жекте ҚР Қарулы күштерінің қызметшісі Жансель Дениз марокколық спортшыға есе жіберіп, екінші орынға ие болды. Турнир қорытындысы бойынша енді бір армиялық спортшы Бексұлтан Мұсахан қола жүлде еншіледі.
