Жер сілкінісінен 240 адам қаза болып, 11 адам із-түзсіз жоғалып кетті
Жапонияның Ното аймағында жыл басында болған жер сілкінісінен 50 мың үй қирап қалды. Нәтижесінде, 2,4 миллион тоннадан астам қоқыс шығарылды, бұл префектураның жеті жылдық қоқыс көлеміне тең, деп мәлімдеді Исикава префектурасының губернаторы Хироси Хасэ. Бұл туралы Sarbaz.kz тілшісі РИА агенттігіне сілтеме жасап хабарлайды.
«Өте күрделі мәселе – жер сілкінісінен кейінгі қирандыларды кәдеге жарату. Бұл қалай және қандай мерзімде жүзеге асырылатыны туралы нақты жоспар қажет. Жер сілкінісі нәтижесінде префектурада шамамен 2,4 миллион тонна қоқыс пайда болды. Бұл әлі де болжамды сандар ғана. Бұл шамамен Ишикава префектурасындағы 7 жылдағы қоқыс көлеміне тең», - деді губернатор.
Префектура елдегі бизнестің көмегімен толық кәдеге жарату екі жылға созылады және 2026 жылдың наурызында аяқталады деп хабарлады.
Айта кетейік, 2024 жылдың алғашқы күнінде Жапонияның батыс жағалауындағы Ишикава префектурасының Ното түбегі аймағында бірнеше ірі жер сілкінісі болды, олардың ең күштісі – 7,6 балл. Зілзалаға байланысты елдің бүкіл батыс жағалауында солтүстіктен оңтүстікке қарай цунами қаупі жарияланды, жағалаудағы бірқатар жерлерде цунами биіктігі 4,2 метрге дейін жетті.
Жер сілкінісінен 240 адам қаза болды, 11 адам із-түзсіз жоғалып кетті. 13,9 мыңнан астам адам эвакуациялау пунктерінде тұрып жатыр. Исикава префектурасында 38 мыңнан астам үй сусыз, 1800 үй жарықсыз қалды.
