Президент Үкіметті отставкаға жіберді

Жарлық мәтіні жарияланды

Sarbaz.kz редакторы

05/02/2024 - 16:24

Мемлекет басшысы «Қазақстан Республикасының Үкіметі туралы» жарлыққа қол қойды. Бұл туралы Sarbaz.kz Ақорданың баспасөз қызметіне сілтеме жасап хабарлайды.

Жарлық мәтінінде былай делінген:

Қазақстан Республикасы Конституциясының 70-бабына сәйкес ҚАУЛЫ ЕТЕМІН:

Қазақстан Республикасы Үкіметінің орнынан түсуі қабылдансын.
Қазақстан Республикасы Премьер-Министрі міндеттерін уақытша атқару Роман Васильевич Склярға жүктелсін.
Қазақстан Республикасы Үкіметінің мүшелері Үкіметтің жаңа құрамы бекітілгенге дейін өз міндеттерін атқаруды жалғастыра берсін.
Осы Жарлық қол қойылған күнінен бастап қолданысқа енгізіледі.