234 адам құтқарылды және эвакуацияланды
Төтенше жағдайлар министрлігі өткен тәулікте қанша адам қауіптен құтқарылғанын мәлімдеді, деп хабарлайды Sarbaz.kz.
Ведомствоның мәліметінше, өткен тәулікте Қазақстан ТЖМ күштері 160 жедел шығу жасады, оның 62-сі – өрттер мен жану оқиғаларына, 98-і – іздестіру, авариялық-құтқару және басқа да жұмыстарға.
«Бұл ретте 234 адам құтқарылды және эвакуацияланды.
ТЖМ азаматтарды өрт қауіпсіздік шараларын сақтап, дауыл туралы ескертулерді, ауа-райының өзгеруін, жолдардың жабылуы туралы хабарламаларды бақылап, алыс сапарларға шықпауға шақырады», - делінген хабарламада.
