Украинада мобилизация туралы даулы заң жобасы өзгертілгеннен кейін Жоғарғы Раданың қарауына қайта берілді. Бұл туралы Sarbaz.kz тілшісі Украина Парламентінің сайтына сілтеме жасап хабарлайды.
Заңның негізгі ережелері:
- әскерге шақыру жасының 27 жастан 25 жасқа дейін төмендеуі;
- жергілікті билік пен полиция азаматтардың әскери комиссариатқа келуін ескертуге және қамтамасыз етуге жұмылдырылады;
- жалтарушыларға құқықтарды шектеу жүйесі енгізіледі (шоттарға тыйым салу, жүргізуші куәлігі, шетелге шығу);
- жеке кабинетке жіберілген сәттен бастап тапсырылды деп саналатын электрондық шақыру қағаздары енгізіледі;
- әйелдер мен запасқа алынған ер адамдар «қорғаныс сипатындағы» жұмыстарға тартылуы мүмкін;
- әйел дәрігерлер мен фармацевтер әскери есепке алынуы тиіс;
- 18 бен 60 жас аралығындағы азаматтар әскери билетті алып жүруге және оны талап бойынша көрсетуге міндетті;
- 18 жастан 60 жасқа дейінгі ер адамдар үшін кез келген консулдық іс-қимыл әскери-есептік құжаттар болған кезде ғана жүзеге асырылады;
- соңғы 9 айда әскерге жарамдылығы шектеулі саналған азаматтар үшін қайта медициналық тексеру енгізіледі;
- аурухана басшылары 18-25 жастағы стационардағы науқастар туралы билікке хабарлауға міндетті;
- бұрын сотталғандарды мобилизациялау және жазасын өтеушілерді майданға ерікті түрде жіберу.
Украинаның мобилизация туралы жаңа заң жобасында ең қызықты екі ереже бар:
Біріншісі – соңғы 9 айда медициналық көрсеткіштер бойынша шектеулі санаты берілген азаматтарды нақты «қайта жұмылдыру» мүмкіндігін беру;
Екіншісі – бұл соттылығы бар азаматтарды мобилизациялау және қазір түрмеде отырғандарға ерікті қызмет көрсетуге рұқсат беру туралы ұсыныс.
Жаңа заң жобасындағы бұл ережелер Украинаға Ресей агрессиясына қарсы тұру үшін азаматтарды көбірек мобилизациялауға мүмкіндік береді.
