Жарыс Қытайдың Чэнду қаласында өтіп жатыр
Қазақстан қоржынында әзірге 1 қола медаль бар, деп хабарлайды Sarbaz.kz.
Медальдар кестесінде Жапония 8 жүлдемен (4 алтын, 3 күміс, 1 қола) көш бастап тұр. Одан кейінгі орындарда Қытай (4-2-2) мен Оңтүстік Корея (4-2-2) келеді.
Ал Қазақстан бір қола жүлдемен Франция, Германия, Макао, Малайзия, Түркия, Өзбекстан, Вьетнам құрамаларымен 14-орынды бөлісіп тұр.
Айта кетейік, Қазақстан қоржынындағы әзірге жалғыз медальды дзюдошы Сұңғат Жұбатқан жеңіп алған еді.
Универсиада 28 шілде – 8 тамыз аралығында Қытайдың Чэнду қаласында өтеді. Оған Қазақстан атынан 90 спортшы 10 спорт түрі бойынша қатысып жатыр.
