Оңтүстікте -5 градусқа дейін суытады
«Қазгидромет» РМК синоптиктері алдағы үш күнге арналған ауа райы болжамын жариялады, деп хабарлайды Sarbaz.kz.
Синоптиктердің болжамына сәйкес, алдағы үш күнде республиканың бүкіл Батыс жартысына Батыс антициклон әсер етеді. Онда жауын-шашынсыз аязды ауа райы күтіледі, ал елдің қалған аймақтарына оңтүстік циклон және онымен байланысты атмосфералық фронтальды бөлімдер әсер етеді.
Сонымен бірге жаңбыр мен қар түрінде жауын-шашын болады, көктайғақ, тұман және боранмен желдің күшеюі болады, деген болжам жасалды.
Түнде елдің батысында ауа температурасы 22-30 аязға дейін, солтүстік-батыста 20-30 аязға дейін, солтүстікте, орталықта және шығыста 7-18 аязға дейін суытады.
Ал оңтүстікте -5 градусқа дейін, оңтүстік-шығыста 0-10 градусқа дейін суытады.
