Газа секторындағы 2,3 миллион тұрғынның шамамен 85%-ы үйлерін тастап кетуге мәжбүр болды
Франция мен Катар қараша айындағы уақытша бітімгершіліктен кейін Израиль мен ХАМАС тобы арасындағы алғашқы келісімге делдал болды. ХАМАС-тың қарамағындағы ондаған адамға арналған дәрі-дәрмектер партиясы Газа секторына бет алды. Бұл туралы Sarbaz.kz тілшісі Associated Press-ке сілтеме жасап хабарлайды.
Басылымның хабарлауынша дәрі-дәрмектер Египетке жетті. ХАМАС өкілі кепілге алынғандарға арналған әрбір қорап үшін палестиналықтарға 1000 қорап жіберілетінін айтты. Мәміледе қоршауға алынған анклав тұрғындарына гуманитарлық көмек жеткізу мәселесі қарастырылған.
Газа секторындағы 2,3 миллион тұрғынның шамамен 85%-ы үйлерін тастап кетуге мәжбүр болды. Ал Біріккен Ұлттар Ұйымы халықтың төрттен бір бөлігі аштыққа ұшырады деп хабарлады.
ХАМАС кепілге алынғандарды өткен жылдың қараша айында Израиль түрмелерінде отырған палестиналықтарға алмастырған болатын. Ал қалған бөлігін Израиль мен оның басты одақтасы – Америка Құрама Штаттары атысты толық тоқтатпайынша босатпайтынын мәлімдеді.
