Зымыран шабуылынан 4 адам қаза тапты
Иран Израильдің Күрдістандағы «тыңшылық штабына» және Сириядағы «Ислам мемлекетіне» шабуыл жасағаны туралы мәлімдеді. Бұл туралы Sarbaz.kz тілшісі Reuters-ке сілтеме жасап хабарлайды.
«Сионистік режимнің соңғы зұлымдықтарына жауап ретінде... Ирак Күрдістанындағы Моссадтың негізгі тыңшылық штабының пәтерлерінің бірін баллистикалық зымырандармен жойды», - делінген Ислам революциясының сақшылары корпусының мәлімдемесінде.
Иран өткен айда үш сақшысын Сирияда, оның ішінде сол жерде әскери кеңесші болған командирін өлтіргені үшін кек алатынын айтып ант берген болатын.
Иран Күрдістан астанасы Эрбильдің солтүстік-шығысындағы АҚШ консулдығына жасалған соққылардан бөлек, «Ислам мемлекетіне», Сирияға бірнеше баллистикалық зымыран атқанын мәлімдеді.
АҚШ Мемлекеттік департаменті Эрбиль маңындағы шабуылдарды айыптап, «ақымақтық» деп атады, бірақ шенеуніктер АҚШ-тың бірде-бір мекемесіне шабуыл жасалмағанын және америкалықтар құрбан болмағанын айтты.
«Біз Ирактың солтүстігінде және Сирияның солтүстігінде құлаған зымырандарды бақыладық. Бірақ бірде бір америкалық персоналға немесе нысандарға шабуыл жасалған жоқ», – деді Ақ үйдің Ұлттық Қауіпсіздік Кеңесінің өкілі Адриен Уотсон.
Айта кетейік, осы айдың басында «Ислам мемлекеті» Иранның оңтүстік-шығысындағы Керман қаласында 100-ге жуық адам қаза тапқан жарылысты ұйымдастырғанын мойындаған. Иран осы террористік шабуылдарға жауап ретінде кек алуға ант берген болатын.
Ирак Күрдістанының премьер-министрі Масрур Барзани өз кеңсесінің мәлімдемесінде Эрбильге жасалған шабуылды «күрд халқына қарсы қылмыс» деп айыптады.
Күрдістан Үкіметінің Қауіпсіздік Кеңесінің мәлімдемесінде бұл шабуылды «қылмыс» деп аталған. Шабуыл кезінде кем дегенде төрт бейбіт тұрғын қаза тауып, алтауы жараланды.
