Ол бұл лауазымға 2022 жылы 25 мамырында тағайындалған
Мемлекет басшысының өкімімен Русланбек Кеңесбекұлы Бекжігітов Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімінің меңгерушісі лауазымынан босатылды. Бұл туралы Sarbaz.kz Ақорданың баспасөз қызметіне сілтеме жасап хабарлайды.
Русланбек Бекжігітов 1971 жылы 13 қаңтарда дүниеге келген.
Білімі:
Бауыржан Момышұлы атындағы әскери мектеп (1989);
А. Можайский атындағы әскер-ғарыш инженерлік академиясы (1994);
Құқықтану академиясы – «Әділет» жоғары заң мектебі (2002).
Еңбек өтілі:
Әскери-әуе күштерінің әскери бөлімдерінде және Қазақстан Республикасы Қорғаныс министрлігінің орталық аппаратында әртүрлі лауазымдарда қызмет етті (1994-1999);
Қазақстан Республикасы премьер-министрі кеңсесінің құрылымдық бөлімшелерінде қорғаныс және құқықтық тәртіп мәселелеріне жетекшілік етті (1999-2002);
Қазақстан Республикасы Қауіпсіздік Кеңесі аппаратының қызметкері (2002-06.2015 ж);
Қазақстан Республикасы Қауіпсіздік кеңесінің жалпы қауіпсіздік мәселелері басқармасының басшысы (06.2015-03.2021).
2022 жылы 25 мамырдан Қазақстан Республикасы Қауіпсіздік Кеңесінің Әскери қауіпсіздік және қорғаныс бөлімінің меңгерушісі.
