Хуситтер бұл АҚШ-тың шабуылына жасалған алғашқы жауап болды деп мәлімдеді
Йемендік хуситтер Қызыл теңізде Израильге қолдау көрсеткен америкалық кемеге шабуыл жасағанын мәлім етті. Бұл туралы Sarbaz.kz тілшісі Anadolu Ajansi-ге сілтеме жасап хабарлайды.
«Шабуыл баллистикалық және теңіз зымырандары, ұшқышсыз ұшу аппараттары арқылы жасалды», - делінген хуситтер тобының мәлімдемесінде.
Йемендік топ бұл өткен айда АҚШ-тың Қызыл теңіздегі күштеріне жасаған шабуылына алғашқы жауап болғанын айтты.
Сонымен қатар, АҚШ Орталық қолбасшылығы(CENTCOM) өзінің мәлімдемесінде АҚШ әскери-теңіз флоты 18 ұшқышсыз ұшақты, 2 кемеге қарсы қанатты зымыранды және 1 кемеге қарсы баллистикалық зымыранды атып түсіргенін мәлімдеді.
3 қаңтарда 14 ел, соның ішінде АҚШ хуситтерге қатысты мынандай мәлімдеме жасаған:
«Егер хуситтер адамдардың өміріне, әлемдік экономикаға немесе аймақтың маңызды су жолдары арқылы өтетін сауданың еркін қозғалысына қауіп төндіре берсе, оның салдары үшін жауап береді», - делінген бірлескен мәлімдеме жасады.
