Шектеу шаралары, оның ішінде жаяу жүргіншілер мен көліктердің қозғалысына тыйым салу жоспарланған
27-28 шілде күндері ҚР Терроризмге қарсы күрес орталығының ұйымдастыруымен Астанада лаңкестікке қарсы күрес жөніндегі астаналық жедел штаб жоспарлы оқу-жаттығу өткізеді, деп хабарлайды Sarbaz.kz штабтың баспасөз қызметіне сілтеме жасап.
Іс-шараның мақсаты – құқық қорғау және арнайы органдардың лаңкестік көріністеріне шұғыл әрекет ету бойынша дайындығын тексеру.
«Шектеу шаралары, оның ішінде жаяу жүргіншілер мен көліктердің қозғалысына тыйым салу жоспарланған. Оқу-жаттығу түрлі күрделі элементтерді қамти отырып, шынайы ұрыс жағдайларына барынша жақындатылған», - дейді Терроризмге қарсы Астана қалалық штабы.
Терроризмге қарсы күрес жөніндегі Астана қалалық жедел штаб азаматтарды жүргізіліп жатқан оқу іс-шараларына түсіністікпен қарап, қауіпсіздік шараларын сақтауға, жұмылдырылған мемлекеттік органдар қызметшілерінің заңды талаптарын орындауға, тек ресми ақпарат көздеріне сенуге және халық арасында жалған ақпараттың таралуына жол бермеуге шақырады.
