Бұл қызмет түрі E-gov порталына өтінім беру арқылы көрсетілетін болады
Әскери білім және ғылым департаменті қорғаныс ведомствосы басшысының «Әскери оқу орнын бітіргені туралы дипломның телнұсқасын қалпына келтіру» мемлекеттік қызмет көрсету қағидаларын бекіту туралы» бұйрығының жобасын дайындады. Бұл туралы Sarbaz.kz Қорғаныс министрлігінің баспасөз қызметіне сілтеме жасап хабарлайды.
Нормативтік құқықтық акт «Білім туралы» ҚР Заңының 5-1-бабының 9) тармақшаларына және «Мемлекеттік көрсетілетін қызметтер туралы» ҚР Заңының 5-бабы 2-тармағының 11) тармақшасына сәйкес әзірленді.
«Әскери оқу орнын бітіргені туралы дипломның телнұсқасын қалпына келтіру» мемлекеттік қызмет көрсету қағидаларын қабылдау оны цифрлық форматқа ауыстырумен байланысты. Бұл қызмет түрі E-gov порталына өтінім беру арқылы көрсетілетін болады.
Бұйрық жобасының толық мәтінімен «Электрондық үкімет» порталында «Ашық НҚА» бөлімінде биылғы жылдың 8 тамызына дейін мына https://legalacts.egov.kz/npa/view?id=14642561 сілтеме бойынша танысуға болады.
