Қорғаныс министрі генерал-полковник Руслан Жақсылықов Тәуелсіздік күнімен құттықтады
Құрметті сарбаздар мен сержанттар, офицерлер мен генералдар! Қадірлі отандастар!
Жеке өз атымнан және Қорғаныс министрлігінің жеке құрамы атынан баршаңызды Тәуелсіздік күнімен шын жүректен құттықтаймын.
Бұл мереке бостандығымыз бен дербестік жолында еліміз жүріп өткен жаңа дәуірді таңдаудың символы іспетті. Бұл күні Қазақстан тарихында республикамыздың әлемдік аренадағы байламы жоғары көтерілген жаңа дәуірдің жарқын беттері ашылды.
Қазақ халқы ғасырлар бойы қасиетті жерін, рухани құндылықтары мен өзін-өзі анықтау құқығын қорғап келеді. 16 желтоқсан мерекесі халқымыздың батылдығын бейнелеп, Отанға деген адалдық пен сүйіспеншіліктің символына айналды. Тәуелсіздік күні – бұл еліміздің дербестігі жолында тер төккен азаматтарды еске алу күні.
Қазақстанның бүгінгі жетістігі – халқымыздың бірлігі мен бір шаңырақ астында бір атаның баласындай ғұмыр кешіп жатқан барлық қазақстандықтардың күнделікті еңбегінің жемісі.
Қазақстан Республикасының Президенті – Қарулы Күштердің Жоғарғы Бас қолбасшысы Қасым-Жомарт Кемелұлы Тоқаевтың басшылығымен еліміздің қорғаныс қабілеті үнемі нығайып келеді. Бүгінгі таңда күшті әрі ұтқыр армиямыз елімізді құрлықта, әуеде және теңізде қорғауды сенімді қамтамасыз етіп отыр.
Барлық әскери қызметшілерге, Қарулы күштердің ардагерлеріне, еліміздің азаматтарына зор денсаулық, амандық және бейбіт аспан тілеймін!
Құрметпен, Қазақстан Республикасының Қорғаныс министрі генерал-полковник Руслан Жақсылықов
