41 мың адам «шекті жасқа жетуіне, денсаулығына және т.б. байланысты қызметтен шығарылды
«Тікелей эфир» кезінде Владимир Путин Украинада соғысып жатқан ресейлік топтың саны мен құрамына қатысты кейбір сандарды атады, деп Sarbaz.kz тілшісі хабарлайды BBC-ге сілтеме жасап.
Ресей президентінің айтуынша, Украинадағы «арнайы әскери операция» аймағында 617 мың ресейлік әскер бар.
«Майдан ұзындығы екі мың шақырымнан асады, жауынгерлік іс-қимылдар аймағында 617 мың адам бар», - деді ол.
Оның 244 мыңы – 2022 жылдың күзінде мобилизация арқылы шақырылғандар.
«Қараңызшы, бізде ішінара жұмылдыру болды және сол кезде 300 мың адамды шақырдық. Қазір менің ойымша, 244 мың адам тікелей соғыс аймағында», - деді Путин.
Оның айтуынша, тағы 41 мың адам шекті жасқа жетуіне, денсаулығына және т.б. байланысты қызметтен шығарылды.
2023 жылдың басынан бастап мобилизацияның бірінші толқыны аяқталғаннан кейін Ресей билігі армияда қызмет ету үшін келісімшарттар жасау науқанын күшейтті. Путиннің айтуынша, баспасөз мәслихаты кезінде барлығы 486 мың адам қызметке қабылданды, ал жылдың соңына қарай бұл көрсеткіш жарты миллионға жетеді.
Путин Ресейде жаңа жұмылдыру болмайды деп мәлімдейді.
«Қазір жұмылдырудың қандай қажеті бар? Бүгінгі таңда бұл қажет емес", - деді ол.
Айта, кетейік, желтоқсан айының басында Ресей Федерациясының басшылығы әскер санын арттырды.
