Мәжіліс бұл заң жобасын биыл мамыр айында қабылдаған
Парламент Сенаты Ұлттық қауіпсіздік мәселелері және елдің арнайы мемлекеттік органдарында қызмет ету жөніндегі заң жобасын Мәжіліске қайтарды, деп хабарлайды Sarbaz.kz.
«Бұл адамның құқықтары мен бостандықтарын шектеуге қатысты нормаларды Конституциялық Соттың нормативтік қаулысына сәйкес келтіру; қайталанатын нормаларды алып тастау; қылмыстық құқық бұзушылық туралы істерге қатысты сотқа дейінгі тергеп-тексеру органдары арасындағы өкілеттіктерді ажырату; олардың жауапкершілік деңгейін айқындау; үш буынды модельдік нормаларды қолданысқа енгізу мерзімдері. Заңның кейбір ережелерін қолданыстағы заңнаманың ережелеріне сәйкес келтіру ұсынылды», - деп жобаны таныстырған сенатор Ғалиасқар Сарыбаев мәлімдеді.
Заңның жаңа жобасында Шекара Қызметі әскери қызметшілерінің мінез-құлық стандарттары, азаматтың өз бейнесін алу құқығы жазылған.
Заң жобасы қылмыстық қудалау органдарына мемлекеттік органдардың қызметін сотқа дейінгі тергеп-тексеру басталғанға дейін тексеру үшін аудиторларды тарту құқығын, терроризмге қарсы орталыққа – діни экстремизмге қарсы іс-қимылға бағытталған жұмысты үйлестіруді жүзеге асыру жөніндегі функцияны, сондай-ақ жергілікті атқарушы органдарға діни экстремизмнің алдын алу жөніндегі функцияны және т.б. береді.
