Суға батқан паромда 40 жолаушы болған
Индонезияның Сулавеси аралында паром апатқа ұшырап, 15 адам қаза тапты, 19 адам із-түзсіз жоғалып кетті. Бұл туралы Sarbaz.kz тілшісі Al Jazeera сайтына сілтеме жасап хабарлайды.
Әкімшілік мәлімдемесіне сәйкес, түн ортасында суға батқан паромда 40 жолаушы болған. Оның 19-ы із-түзсіз жоғалып кетсе, 6-ауы аман қалған.
«Қаза тапқандардң аты-жөні анықталып, денелері отбасыларына берілді, ал тірі қалғандар қазір жергілікті ауруханаларда емделіп жатыр», - деді іздеу-құтқару агенттігінің жергілікті бөлімінен Мұхамад Арафа.
Жоғалған адамдарды іздеуге үш резеңке қайық, екі балық аулау қайығы және алты сүңгуір қатысты. Апаттың себебі әлі анықталған жоқ.
17000-нан астам аралы бар әлемдегі ең үлкен архипелаг болып саналатын Индонезияда паром апаттары сирек болып тұрады, деп жазды Al Jazeera.
2018 жылы Суматра аралындағы Тоба көліне аударылып кеткен паромда 192 адам суға батып кетті. Өткен жылдың мамыр айында бортында 800-ден астам жолаушысы бар паром Шығыс Нуса-Тенггара провинциясында суға батып кеткен. Оқиға салдарынан ешкім зардап шеккен жоқ.
