Туннельдер желісі 500 шақырымға созылады
Израиль қорғаныс күштері (IDF) сәрсенбіде Газаның Жерорта теңізі жағалауында құбырлар салып жатқан ондаған сарбаздың суреттерін жариялады, деп хабарлайды Sarbaz.kz тілшісі The Telegraph агенттігіне сілтеме жасап.
Осы арқылы туннельдерде жасырынып отырғандарды суға батырмақ. Осы аптаның басында Израиль қорғаныс армиясы 500 шақырымға созылатын туннельдер желісін суға батыруды қарастырып отырғаны және Аш-Шати босқындар лагерінен солтүстікке қарай 1,5 шақырым жерде бес сорғы орнатқаны туралы хабарланды.
Бұл сорғылар сағатына мыңдаған текше метр су құюға қауқарлы. Бірақ сарапшылар бұл қадам Газаның сумен қамтамасыз етуіне зиян тигізуі мүмкін екенін айтып, ескерту жасады.
Израиль Қорғаныс армиясы штабының бастығы генерал-лейтенант Херци Ха-Леви туннельдерге су құю идеясын қолдайтынын айтты.
Туннельдерді суға толтырудың кез-келген әрекеті ХАМАС кепілге алған 138 адамның да өміріне зиян келтірмек.
Су зерттеу институтының профессоры Эйлон Адар бұл әрекет Газа секторының сумен қамтамасыз етілуіне айтарлықтай зиян болуы мүмкін деді.
