Келіссөздер барысында Киевке қысқы кезеңде көрсетілетін көмек талқыланды
АҚШ қорғаныс министрі Ллойд Остин Киевке жарияланбаған сапары кезінде Украинаға 100 миллион доллар көлемінде жаңа әскери көмек көрсетілетінін мәлім етті, деп Sarbaz.kz тілшісі Пентагонға сілтемемен хабарлайды.
АҚШ қорғаныс министрі Ллойд Остин III 20 қарашада Украина басшыларымен кездесіп, АҚШ-тың Украинаның бостандық үшін күресін қолдайтынын растады. Ол сондай-ақ АҚШ-тың Украинаға Ресей агрессиясынан қорғану үшін қажетті қауіпсіздік көмегіне деген тұрақты міндеттемесін атап көрсетті. Сонымен қатар Украинаның болашақ Қарулы Күштерінің ұзақ мерзімді көрінісін талқылады.
Сапар барысында министр Остин Украина басшылығымен жоғары деңгейде келіссөздер жүргізді. Талқылаулар АҚШ пен Украина арасындағы стратегиялық серіктестікті одан әрі нығайтуға, соның ішінде Украина қарулы күштерін қысқы кезеңде Ресейдің алдағы шабуылдарынан қорғауға қажетті жауынгерлік мүмкіндіктермен қамтамасыз етуге бағытталды.
Осы аптаның соңында министр Остин сонымен қатар Пентагоннан Украинаны қорғау бойынша байланыс тобының 17-ші отырысын өткізеді. Украинаны халықаралық үйлестіру мен қолдау бойынша маңызды жұмысты жалғастырады, оған 50-ге жуық ел қатысады деп күтіліп отыр.
