Елдегі әйелдер саны ерлер санынан басым
Қазақстан халқының саны 20 миллион адамға жақындап келеді. Бұл туралы Sarbaz.kz Ұлттық статистика бюросына сілтеме жасап хабарлайды.
Деректерге сәйкес, 2023 жылғы 1 қазандағы жағдай бойынша Қазақстан халқының саны 19 967 964 адамды құрайды. Оның 12 387 957-сі қаланың (62 пайыз) және 7 580 007-сі ауылдың тұрғындарына (38 пайыз) тиесілі.
Сонымен қатар, елдегі әйелдер саны ерлер санынан басым. Нәзік жандылар үлесі – 51,2 пайыз, ер адамдар – 48,8 пайыз. Сәйкесінше 10 217 317 әйел және 9 750 647 ер адам.
