Әскери нышандар – бұл армияның ажырамас бөлігі, атрибуттар
Бұл күн 1996 жылы 18 шілдеде «Қазақстан Республикасы Қарулы күштерінің әскери рәміздері туралы» Президенттің Жарлығымен нақтыланған болатын, деп хабарлайды Sarbaz.kz
Әскери нышандар – бұл армияның ажырамас бөлігі, атрибуттар. Әскери нышандарға Қарулы күштердің эмблемасы, туы мен жалауы жатады. Бұл нышандар әскери ұжымның ерлігі мен даңқы, бауырластығы мен бірлігі идеяларының бейнесін көрсетеді.
Бес бұрышты жұлдыз түрінде жасалған таңбаның ортасында күн сәулесі және оның астында қалықтаған бүркіт бейнеленген. Бұл дегеніміз еркіндік пен биік мақсатқа ұмтылуды білдіреді.
Жауынгерлік Ту әрбір әскери қызметшінің Отанды жанқиярлықпен қорғаудағы қасиетті борышын білдіреді. Әскерде үздіктердің үздігі деп танылғандар осы қасиетті жәдігермен суретке түсу құрметіне ие болады.
Әскери нышандар бойынша Қарулы күштердің мемлекетке тиесілігі айқындалады. Бұл жауынгерлердің ұлттық ерекшелігін көрсетіп қана қоймай, сонымен бірге моральдық-жауынгерлік рухты және жеке құрамның Отанды қорғау міндеттерін орындаудағы дайындығын арттырудың тиімді құралы ретінде қызмет етеді.
