Олардың алдағы жоспарлары мен қылмыстың себептері тергеу барысында белгілі болады
Пәкістанның төрт азаматы мемлекеттік шекараны заңсыз кесіп өту кезінде ұсталды. Бұл туралы Sarbaz.kz тілшісі Polisia.kz-ке сілтеме жасап хабарлайды.
Алматының көші-қон қызметі хабарлағандай, 30 қазанда олардың бөлімшесінің қызметкерлері Алматы қаласы бойынша ҰҚКД әріптестерімен бірлесіп, Әуезов ауданында Қазақстан Республикасының шекарасын заңсыз өтіп кеткен Пәкістан Ислам Республикасының төрт азаматын ұстады.
Олар ҚР ҚК-нің 392-бабында көзделген қылмысты жасаған. Қалаға келген шетелдіктердің хостелге орналасқандықтары анықталды. «Қонақтардың» алдағы жоспарлары мен қылмыстың себептері тергеу барысында белгілі болады.
