Сондай-ақ ол ХАМАС қозғалысының содырларынан кепілге алынғандарды тез арада босатуды талап етті
Рим Папасы Франциск Газа секторындағы атысты тоқтатуға шақырды, деп хабарлайды Sarbaz.kz тілшісі DW жаңалықтарына сілтеме жасап.
«Атысты тоқтатыңдар, соғыс әрқашан жеңіліс әкеледі», – деді понтифик жексенбі, 29 қазанда Ватикандағы Әулие Петр алаңында дәстүрлі жексенбілік уағызы кезінде.
Франциск гуманитарлық көмек жеткізуге жол ашу қажеттігін атап өтті.
Сондай-ақ ол Еуропалық Одақ, АҚШ және Израильде лаңкестік ұйым деп танылған ХАМАС радикалды қозғалысының содырларынан кепілге алынғандарды тез арада босатуды талап етті.
