Израиль мен Палестина арасындағы қақтығыс өткен сенбі күні басталған
Air Astana ұшағы қазақстандықтарды елге жеткізу үшін Тель-Авивке ұшып кетті, деп хабарлайды Sarbaz.kz.
Air Astana компаниясы 10 қазан күні таңғы сағат 8-де Алматы қаласынан Тель-Авивке Қазақстан азаматтарын елге жеткізу үшін ұшқанын хабарлады. Тель-Авивтен Алматыға қайтатын рейс Астана уақыты бойынша сағат 23:45 шамасында келеді.
Осыған дейін Air Astana әуекомпаниясы Алматы - Тель-Авив - Алматы бағыты бойынша Израильге бір рейс ұшыруды жоспарлап отырғанын хабарлаған болатын.
Қазақстанның Тель-Авивтегі елшілігінің мәліметінше Израильде консулдық есепте тұрмайтын 400-ден астам Қазақстан азаматы болуы мүмкін.
Айта кетейік, Израиль мен Палестина арасындағы қақтығыс өткен сенбі күні басталған.
