Лаңкестер журналисті әртүрлі себептермен тұтқынға алады
Шабуыл кезінде өзіңді қолға алып, қорқынышты басуға тырысу керек. Лаңкестер шабуылдағанда қолдан келер жалғыз шара – бұйрыққа бағыну. Ал ашуға бой алдырып, қарсы шығар болсаң, сол бойы ажал құшуың немесе тұтқынға алынуың мүмкін. Бұл туралы «Әскери дискурс» практикалық семинарының нұсқаушысы Руслан Бек мәлім етті, деп хабарлайды Sarbaz.kz.
«Лаңкестер журналисті әртүрлі себептермен тұтқынға алады: кепіл тұтқын ретінде, белгілі бір ақпарат алу мақсатында, өзгелерге сабақ болсын деген ниетте. Сізден не талап етілетінін анықтап, жағдайға қарай әрекет ету керек. Сондай-ақ журналист қандай жағдайға тап болса да, қолына қару алмауы тиіс екенін де ұмытпаңыз. Қолына қару алған тілші қол сұғылмайтын адам мәртебесін жоғалтып, басын қатерге тігеді. Аман қалған жағдайдың өзінде оны халықаралық конвенциялардың қорғап алуы екіталай болады», – дейді Руслан Бек.
