Алматы полициясы оқиғаның мән-жайын анықтап жатыр
Алматы қаласында ойнап жүрген бала тұрғын үйдің шатырынан құлап, көз жұмды. Бұл туралы Sarbaz.kz қалалық полиция департаментінің баспасөз қызметіне сілтеме жасап хабарлайды.
«Бостандық аудандық полиция басқармасында 2017 жылы туған баланың өлімі бойынша Қылмыстық кодекстің 140-бабы 2 бөлігімен қылмыстық іс тіркелді. Тергеу амалдары жүргізіліп жатыр», - деп жазылған хабарламада.
Алматы полициясы оқиғаның мән-жайын анықтап жатыр.
Кейбір БАҚ жазуынша, бала спорттық жарысқа қатысу үшін Атыраудан келген.
