Қазақстандық балуан әлем чемпионатында алтын медаль жеңіп алды
olympic.kz
Грек-рим күресінен Әскери қызметшілер арасында өткен әлем чемпионатында қазақстандық балуан Аманғали Бекболатов жеңімпаз атанды, деп хабарлайды Sarbaz.kz Zakon.kz-ке сілтеме жасап.
Ол әскери финалдық сайыста 55 кг дейінгі салмақ дәрежесінде «классиктер» арасында 1-орын иеленді. Оның қарсылысы Иран өкілі болды.
Бекболатов – осы әлем чемпионатында алтын медаль алған үшінші қазақстандық.
Алдыңғы жылдары осындай нәтижеге грек-рим күресінен Бағлан Жақанша (2013, 60 кг) мен еркін күрестен Ғалымжан Өсербаев (2014, 74 кг) қол жеткізген болатын.
