Футболдан 2024 жылғы Еуропа чемпионатына іріктеудің 7-турында Қазақстан мен Даниия командалары кездесті, деп хабарлайды Sarbaz.kz.
Қазақстандық футболшылар H тобында сынға түсіп жатыр.
Алғашқы минуттан даниялық футболшылар жылдам гол соғуға ұмтылды.
Дегенмен ойынның 36-минутына дейін қақпа құлпы ашылған жоқ.
Даниялық Йонас Винд сол уақытта өз құрамасын алға шығарды.
Одан кейін Роберт Сков 45, 48-минутта есепті үстемелей түсті.
Ойынның 58-минутында қазақстандық Роман Вороговский мергендік танытты.
Осылайша қазақстандық құрама қарсыласына 1:3 есебімен есе жіберді.
Енді олар алдағы ойынын 17 қазанда сырт алаңда Финляндияға қарсы өткізеді.
Айта кетейік, 7-турда Словения Финляндияны, Солтүстік Ирландия Сан-Мариноны 3:0 есебімен жеңді.