Жәрдемақы қандай жағдайда беріледі?
Фото: khabar.kz
Sarbaz.kz онлайн алуға болатын Қазақстан Қорғаныс министрлігінің мемлекеттік қызметтері туралы материалдар сериясын іске қосады. Процестерді цифрландыру арқылы қызмет көрсету тезірек және ыңғайлы болды.
Әскери қызметшіге мемлекеттен жеңілдіктер алу үшін не істеу керек?
Цифрландыруға дейін:
Арнайы мемлекеттік жәрдемақы әскери комиссариаттың мәліметтерін растау негізінде беріліп, анықтама беру бір жұмыс күнін алатын. Қажетті мәліметтер болмаған жағдайда – 90 жұмыс күніне дейін, өйткені осы уақыт ішінде қызметкерлер ақпаратты растау үшін уәкілетті органдарға сұрау салады.
Жеңілдікті аумақтарда қызмет еткен, жауынгерлік әрекеттерге қатысқан, Чернобыль атом электр станциясындағы апатты жоюға, этносаралық қақтығыстарға қатысқан әскери қызметшілер арнайы мемлекеттік жәрдем алуға құқылы. Бұрын растайтын құжат үшін әскери комиссариаттарға хабарласу қажет болатын.
Цифрландырудан кейін:
Қолда бар ақпарат ҚР Қорғаныс министрлігінің ақпараттық жүйесіне енгізіледі. Деректер базасы Еңбек және халықты әлеуметтік қорғау министрлігінің ақпараттық жүйесімен біріктірілген. Осыған байланысты бейінді орган автоматты түрде жеңілдікті туралы растайтын мәліметтерді алады.
Жүйеде ақпарат болмаған жағдайда азамат Egov.kz порталындағы жеке кабинетінде онлайн форматта «әскери қызмет туралы мәліметтерді өзектендіру (түзету)» қызметіне жүгіне алады. Ол үшін қызмет туралы сұрауға дәлелді құжаттарды тіркеу қажет. Жергілікті әскери басқару органының қызметкерлері өтінімді зерделейді, өздеріне белгілі мәліметтерді салыстырады және осы өтінімді жұмысқа қабылдайды.