Ол 2022 жылдан Ұжымдық қауіпсіздік туралы шарт ұйымының жанындағы Қазақстан Республикасының Тұрақты өкілі
Фото: gov.kz
Ұжымдық қауіпсіздік туралы шарт ұйымы жанындағы Қазақстанның Тұрақты өкілі Марат Сыздықов ҰҚШҰ тұрақты кеңесіне жетекшілік етеді. Бұл туралы ҰҚШҰ Тұрақты кеңесінің отырысында белгілі болды, деп хабарлайды Sarbaz.kz ұйымның ресми Telegram-каналына сілтеме жасап.
«Ұйымға төрағалық етудің Беларусь Республикасынан Қазақстан Республикасына өтуіне байланысты ҰҚШҰ жанындағы Қазақстанның Тұрақты өкілі Марат Зеникенұлы Сыздықов төрағаның лауазымын иеленді», - делінген хабарламада.
Марат Сыздықов 1966 жылы 27 сәуірде Ақмола облысы Щучинск қаласында дүниеге келген.
Білімі: 1991 жылы С.Сейфуллин атындағы Целиноград мемлекеттік педагогикалық институтын,
2006 жылы Ресей СІМ Дипломатиялық академиясын бітірген.
Қызметі:
1991-1992 – Целиноград қаласындағы №7 орта мектебінің тарих мұғалімі. 1992-1998 – С.Сейфуллин атындағы Целиноград мемлекеттік педагогикалық институтының Жаңа және қазіргі заман тарихы кафедрасының оқытушысы. 1998-1999 – ҚР Президенті Әкімшілігінің Талдау және стратегиялық зерттеулер орталығының сарапшысы. 1999-2002 – ҚР Президенті Әкімшілігінің Қауіпсіздік кеңесінің сарапшысы, Талдау орталығының сектор меңгерушісі. 2002-2010 – Қазақстанның Ресейдегі Елшілігінің екінші хатшысы, бірінші хатшысы, кеңесшісі. 2010-2014 – ҚР Президенті Әкімшілігінің Сыртқы саясат орталығы меңгерушісінің орынбасары. 2014-2019 – ҚР Ресейдегі Елшілігінің Кеңесші-уәкілі. 2019-2022 жылдары Қазақстан Сыртқы істер министрінің орынбасары. 2022 жылдан Ұжымдық қауіпсіздік туралы шарт ұйымының жанындағы Қазақстан Республикасының Тұрақты өкілі.