АҚШ Әскери-әуе күштерінің ансамблі дипломатиялық миссия аясында Қазақстанға сапарлап келді
Әлеуметтік желілерде тараған АҚШ Әскери-әуе күштерінің ансамблінің «МузАРТ» тобының «Балауса» әнін орындаған бейнежазбасы қазақстандықтарды тәнті етті, деп хабарлайды Sarbaz.kz тілшісі.
Америкалық әскери қызметшілер АҚШ пен Қазақстанның достық қарым-қатынасын нығайту мақсатында дипломатиялық миссия аясында Қазақстанға сапарлап келді.
Ансамбль мүшелері қазақ тілінің дыбысы ұнайтынын, сондықтан қазақша үйренгісі келетіндерін атап өтті.
Отандастарымыз әнді орындаған америкалық әскерилердің қазақша сөздерді дұрыс дыбыстауға, ал әуенді барынша нақышына келтіріп жеткізуге тырысқандарына ризашылық пікірлерін жазды.