Оқиға өткен сейсенбі күні болған
Фото: ctrana.news
Украина астанасында АҚШ елшілігінің қызметкерінің мәйіті табылды, деп жазады украиналық «Страна» басылымы құқық қорғау органдарындағы дереккөздерге сілтеме жасап. Ақпаратты АҚШ елшілігі растады, деп хабарлайды Sarbaz.kz.
«Біз Киевтегі елшілікте миссия жетекшісінің қарамағында жұмыс істейтін АҚШ үкіметінің қызметкерінің қайтыс болғанын растаймыз. Құпиялылық себебіне байланысты қосымша түсініктеме бере алмаймыз», - делінген елшілік хабарламасында.
Сейсенбі күні Киевтегі Хилтон қонақүйінде АҚШ елшілігінің атташесінің мәйіті табылды.
«Сағат 11:00 шамасында қонақүй бөлмесінен АҚШ елшілігінің атташесінің мәйіті табылды. Мәйіттен зорлық-зомбылық белгілері табылмады. Ер адам Украинаға 15 маусымда келген. АҚШ елшілігі ұсынған медициналық көрсеткіштерге сәйкес, ер адамда холестерин деңгейі жоғары болған», - деді дереккөз.