Өрт сөндіруге жүзден астам өрт сөндіруші мен тікұшақ жұмылдырылды
Фото: Euronews
Мәскеу түбіндегі Фрязин қаласында болған ірі өрттен кем дегенде 8 адам зардап шекті. Кеңсе мен өндірістік ғимараттың 7 қабаты толығымен жанып кетті. Оқиға куәгерлері газ баллондарының жарылғанын хабарлады. Бұл туралы Sarbaz.kz тілшісі Euronews агенттігіне сілтеме жасап хабарлайды.
Өрт сөндіруге жүзден астам өрт сөндіруші мен тікұшақ жұмылдырылды. Тергеушілер өрттің себебі электр ақауларынан болғанын айтты.
Осыған дейін хабарланғандай, ғимарат электроникамен, оның ішінде қорғаныс мақсатындағы жұмыстармен айналысатын Платан ғылыми-зерттеу институтына тиесілі. Бірақ институттың өзі мұны жоққа шығарып, оны 90-жылдары сатып жібергенін, содан бері оның қорғаныс өнеркәсібіне еш қатысы жоқ екенін, үй-жайларды жиһаз өндірумен айналысатындарды қосқанда 30-ға жуық компания жалға алғанын айтты.