Қытайдың сыртқы істер министрлігінің ресми өкілі НАТО-ның бас хатшысына жауап берді
Фото: GETTY IMAGES
НАТО-ның бас хатшысы Йенс Столтенберг Қытай Ресейге көмектескені үшін санкцияларға тап болуы мүмкін екенін мәлімдеді. Бұл туралы Sarbaz.kz тілшісі Euronews агенттігіне сілтеме жасап хабарлайды.
Столтенберг Қытайдың екі тарапты қатар алып жүруге тырысып жатқанын айтты: бір жағынан Ресейдің қорғаныс өнеркәсібін қолдаса, екінші жағынан Еуропа Одағымен және НАТО-мен қалыпты экономикалық қарым-қатынасты сақтап, дамытуға тырысады.
Бас хатшының айтуынша, қытайлықтар микроэлектроника технологиясын Ресейге берген, ал бұл Украинаға шабуыл жасайтын зымырандар мен басқа да қаруларды жасаудың кілті болды. Бейжің Мәскеуді жетілдірілген спутниктік мүмкіндіктермен қамтамасыз ету үшін де жұмыс істеп жатыр, деді ол.
Ол осылайша ҚХР Еуропадағы Екінші дүниежүзілік соғыстан кейінгі ең ірі қарулы қақтығысты өршітіп отырғанын атап өтті.
Қытайдың сыртқы істер министрлігінің ресми өкілі Лин Цзянь Столтенбергтің ескертулеріне былай деп жауап берді:
«Қырғи-қабақ соғыс туралы және әлемдегі ең ірі әскери топ – НАТО-ның Украина дағдарысындағы рөлі жайлы өзіндік пікірі бар. НАТО Қытайды жамандап, орынсыз сөз айтудан бұрын өзін ойлауы керек», - деді.
Столтенберг сондай-ақ Владимир Путиннің Солтүстік Кореяға сапарына қатысты пікір білдіріп, Ресейдің авторитарлық державаларға тәуелділігін көрсеткенін айтты.