Ресейдің шабуыл қарқыны бәсеңдей түсті
Фото: mil.ee
Украина қорғаныс министрінің бірінші орынбасары генерал-лейтенант Иван Гаврилюк АҚШ-тың артиллериялық снарядтары жеткенін мәлім етті. Бұл туралы Sarbaz.kz тілшісі BBC агенттігіне сілтеме жасап хабарлайды.
Оның айтуынша, бөлімшелерге қару-жарақ жеткізілгеннен кейін Ресейдің шабуыл қарқыны бәсеңдей түсті.
Ол сондай-ақ оқ-дәрілерді жеткізу өте маңызды екенін, алайда АҚШ сәуір айында уәде еткен қару-жарақтардың көпшілігі әлі де жолда екенін атап өтті.
«Атлант мұхитынан өтетін кемелерді дайындау үшін уақыт қажет, бірақ біз қазірдің өзінде нәтижесін көріп отырмыз», - деді ол.
Бұл соғыста артиллериялық снарядтар өндірісі үлкен рөл атқарады. Агенттік мәліметінше бұл Кремльге пайдалы. Ресей снарядтар өндірісін арттырды әрі Солтүстік Кореядан жеткізілетін қару-жарақ мөлшерін арттырды.
«Уақыт өте келе, бәрі дұрысталғанда, біз артықшылыққа қол жеткіземіз», - деді Гаврылюк.