Ол өз сөзінде серіктестерін энергияны қалпына келтіруге көмектесуге шақырды
Фото: Bild
Владимир Зеленский Ресей Федерациясының Украинадағы энергетика жүйесінің жартысын жойғанын мәлім етті. Бұл туралы Sarbaz.kz тілшісі Bild басылымына сілтеме жасап хабарлайды.
Ресейдің энергетикалық нысандарға соққы беруі нәтижесінде 9 гигаватт қуат жойылды, деп мәлімдеді Украина президенті Владимир Зеленский Берлинде өткен конференцияда.
«Өткен қыста Украинада энергия тұтынудың ең жоғары деңгейі 18 гигаватты құрады. Қазір оның жартысы жойылды.
9 гигаватт дегеніміз не? Берлин шамамен 2 гигаватт тұтынады. Мюнхен – 3 гигаватқа дейін. Біз қазірдің өзінде ірі қалалар тұтынатын энергия көлемінен бірнеше есе көп жоғалттық. Украинадағы жылу генерациясының 80%-ы, гидрогенерацияның үштен бірін Путин жойып жіберді», - деді Зеленский.
Ол өз сөзінде серіктестерін энергияны қалпына келтіруге көмектесуге шақырды.
Шольц Украинаны ресейлік шабуылдардан қорғау үшін Германия «үшінші Patriot әуе қорғаныс жүйесін, сондай-ақ Iris TSLM әуе қорғаныс жүйесін, Gepard зениттік танктерін, зымырандарды және артиллериялық оқ-дәрілерді» жеткізетінін атап өтті.
Өз кезегінде Зеленский Германияға көрсеткен көмегі үшін алғыс айтты, бірақ Украинаға кем дегенде тағы жеті Patriot жүйесі қажет екенін атап өтті.