Ресей әскерилері Херсон облысының Днепр ауданына оқ жаудырды
Фото: facebook.com/alexandr.prokudin.7
Ресейдің Херсон облысын атқылау нәтижесінде 102 жастағы әжей зардап шекті. Бұл туралы Sarbaz.kz тілшісі BBC агенттігіне сілтеме жасап хабарлайды.
Ресей әскерилері Херсон облысының Днепр ауданына оқ жаудырды, шабуыл тұрғын үйге тиді, деп жазды Херсон ОВА басшысы Александр Прокудин.
Оның айтуынша, шабуыл салдарынан 102 жастағы әжей жарақат алған.
Оған медициналық көмек көрсету әрекеті кезінде екі патруль қызметкері шабуылға ұшырады, деп хабарлады Украина патрульдік полиция департаменті басшысының бірінші орынбасары Алексей Белошицкий.
Оның айтуынша, патруль қызметкерлері әжейді қызметтік көлікке отырғызып, ауруханаға жеткізіп үлгерген.