Түркия президенті Анкарада өткен «Анадолы БАҚ марапаттау рәсімінде» сөз сөйледі
Фото: DHA Photo
Түркия президенті Режеп Тайып Ердоған Газа секторында соңғы 8 айда жасалған шабуылдарда 150 журналист қаза тапқанын мәлім етті. Бұл туралы Sarbaz.kz тілшісі TRT басылымына сілтеме жасап хабарлайды.
Түркия президенті Анкарада өткен «Анадолы БАҚ марапаттау рәсімінде» сөз сөйледі.
«Бізге баспасөз еркіндігі туралы сабақ бергендер, Палестина территориясында болып жатқан оқиғалар туралы үнін шығармай отыр», - деді Ердоған.
Ердоған Израильдің Газа секторында 7 қазаннан бері жалғасып келе жатқан және ондаған мың палестиналықты өлтірген шабуылдарына кезекті рет наразылық білдірді.
«Біз палестиналық бауырларымызды қорғау арқылы іс жүзінде адамзатты қорғаймыз. Сонымен бірге бейбітшілікті, әділеттілікті және еркіндікті қорғаймыз», - деді ол.
Президент қанды қырғынға үн қата отырып, болашақ ұрпаққа бейбіт және әділ әлемде өмір сүру үмітін қалдыруды мақсат еткенін атап өтті.