Тәжік-ауған шекарасын нығайту мәселесіне ерекше назар аударылды
Фото: odkb-csto.org
Алматыда қазақстандық тараптың төрағалығымен ҰҚШҰ Қауіпсіздік кеңестері хатшылары комитетінің отырысы өтті, деп хабарлайды Sarbaz.kz.
«Отырысқа қатысушылар Ұжымдық қауіпсіздік шарты ұйымының жауапкершілігі саласындағы әскери-саяси жағдайды және ҰҚШҰ-ға мүше мемлекеттердің сын-қатерлеріне қарсы тұру бойынша Ұйым форматындағы іс-әрекет пен өзара іс-қимылды жетілдіру шараларын талқылады», - делінген хабарламада.
ҰҚШҰ-ның тәжік-ауған шекарасын нығайтудың мақсатты мемлекетаралық бағдарламасының жобасына ерекше назар аударылды. Құжат жобасын ҰҚШҰ мүшелері мақұлдап, ҰҚШҰ Бас хатшысына оны белгіленген тәртіпте ҰҚШҰ Ұжымдық қауіпсіздік кеңесінің қарауына ұсынылды.