Бұл қадам елдің қорғаныс позициясын нығайтуға бағытталған
Фото: Getty Images
Германия үкіметі тағы 20 Eurofighter Typhoon жауынгерлік ұшағын сатып алады, деп хабарлайды Sarbaz.kz тілшісі Defence News сайтына сілтеме жасап.
Бұл тапсырыс 2020 жылы тапсырыс берілген 38 дана Typhoon жауынгеріне қосымша болады. Канцлер Олаф Шольцтің айтуынша, бұл қадам елдің қорғаныс позициясын нығайтуға және сонымен бірге аэроғарыш өнеркәсібіне қолдау көрсетуге бағытталған.
«Енді шамамен 2 миллиард еуро (2,2 миллиард доллар) болатын 20 жаңа Eurofighter техникасы Airbus компаниясына өзінің өндірістік желісін жалғастыруға көмектеседі», - деді Шольц.
Ол Ұлыбритания, Италия және Испания елдеріне арналған ұшақтардың алдағы экспорты туралы хабарлады. Бұл хабарландыруды саладағы мамандар болашақта тағы бір үлкен келісімшарт ретінде қабылдады.
Қазіргі уақытта Airbus компаниясы 6 миллиард долларға жуық қаражатқа Quadriga конфигурацияланған 38 дана Eurofighter жойғыш ұшағы бойынша келісімшартын жасауда. Бұл ұшақтардың соңғысы 2030 жылы жеткізіледі деп жоспарланып отыр.