Sarbaz.kz

Ақтөбе гарнизонының әскери соты әскери қызметшіге есірткі қолданғаны үшін айыппұл салды. Айыппұл мөлшері 25 АЕК – 92 300 теңге, деп хабарлайды Sarbaz.kz.

Сот капитан «К» әріптесі майор «Ж»-мен әңгімелесу барысында 2021 жылдан бастап есірткі заттарын қолданғанын және оларды қалай және қайдан сатып алу керектігін білетінін айтқанын, оны бірге қолдануды ұсынғанын анықтады.

Өз кезегінде майор «Ж» аталған ұсыныстан бас тартып, бұл туралы ҰҚК қызметкерлеріне хабарлады. Осыдан кейін капитан «К»-ға қатысты жедел әзірлемелер жүргізу бойынша жұмыс басталды.

Содан кейін 2024 жылдың 8 наурызында сағат 18:30 шамасында капитан «К» майордың пәтерінде болғанда, оған гашиш сатып алуды және бірге тұтынуды қайта ұсынған. Сонымен қатар ол азамат «Е»-ні WhatsApp арқылы есірткі қолдану туралы ұсыныспен шақырған. Соңғысының келісімін алған соң капитан «К» пәтерден шығады.

Әрі қарай капитан «К» «Н.Д.бот» деп аталатын тергеу белгілемеген интернет-дүкен арқылы 1 грамм гашиш есірткі затын сатып алып, көлігінде есірткіні жоғарыда аталған дүкен жіберген координаттар бойынша алады.

Содан кейін сағат 19:30 шамасында капитан «К» майор «Ж» пәтеріне бірлесіп пайдалану мақсатында келеді, ол жерде оны ҰҚК қызметкерлері қолға түсірді.

Жедел-іздестіру іс-шараларын жүргізу арқылы осы пәтерге тінту жүргізілді, онда капитан «К» сатып алған есірткі құралдары тәркіленді.

Сот үкімі заңды күшіне енген жоқ.