Сот оны төрт жылға бас бостандығынан айырған
Фото: Астана сотының баспасөз қызметі
Экс-министр Қуандық Бишімбаевтың інісі Бақытжан Байжанов Салтанат Нүкенованы қатыгездікпен өлтіру ісі бойынша сот үкіміне қатысты апелляциялық шағым түсірді, деп хабарлайды Sarbaz.kz.
Бақытжан Байжановтың апелляциялық шағым бергені туралы ақпарат 27 мамырда Сот кабинетінің сайтында жарияланды.
13 мамырда «Гастро-орталықтың» директоры Бақытжан Байжановты сот ҚР ҚК 432-бабы (қылмысты жасыру) бойынша кінәлі деп тауып, төрт жылға бас бостандығынан айырды.
Айта кетейік, 2023 жылдың қараша айында Салтанат Нүкенова қатыгездікпен өлтірілген. Сот бұл іс бойынша күйеуі Қуандық Бишімбаевты кінәлі деп тауып, оны 24 жылға бас бостандығынан айырды.