Sarbaz.kz

Испания Украинаға жаңа әскери көмек пакетін жібереді, оның ішінде Leopard 2A4 танктері бар. Бұл туралы Испания қорғаныс министрі Маргарита Роблес АҚШ қорғаныс министрі Ллойд Остин шақырған Украинаның қорғаныс мәселелері бойынша (Рамштейн форматы) байланыс тобының 22-ші отырысы барысында мәлімдеді, деп хабарлайды Sarbaz.kz тілшісі DW басылымына сілтеме жасап.

Роблестің айтуынша, танктер маусым айының соңында Киевке жөнелтіледі. Сонымен қатар, әскери көмек пакетінде Patriot зениттік-зымырандық жүйесіне арналған зымырандар, 155 мм артиллериялық оқ-дәрілер мен ұшқышсыз қорғаныс жүйелерін қамтылған.

Видеоконференция арқылы 40-тан астам елдің өкілдері қатысқан кездесуде Испания қорғаныс министрлігінің басшысы «Украинаға лайық және шұғыл қажет ететін қолдауды жалғастыру үшін» ұжымдық жауапкершілікті мәлімдеді.

Роблес сонымен қатар Испанияның Украинаға ұзақ мерзімді қолдауы екіжақты қауіпсіздік келісіміне қол қою арқылы нығайтылатынын растады.

АҚШ Қорғаныс министрі Ллойд Остин сол кездесуде Украина елдің солтүстік-шығысында «Ресейдің жаңа шабуылына қарсы күресте өзінің ең қиын сәттерінің бірін күтіп тұр», сондықтан Киевке әскери көмек көрсету өте маңызды екенін айтты.

Остин сонымен қатар Украинаның ресейлік шабуылдарға тойтарыс беру үшін әуе қорғаныс жүйелеріне деген маңызды қажеттілігін атап өтті.

«Біз Украинаның әуе кеңістігіне ие болуын және майдан шебінен алыс жерде өз азаматтары мен азаматтық инфрақұрылымын қорғай алуын қамтамасыз етуді жалғастырамыз», - деді ол кездесуден кейін журналистерге.

Өткен жылы Испания үкіметі Киевке Leopard 2A4 маркалы 10 танк берді. Наурызда ол 2024 жылы Украинаға тағы 19 дана Leopard 2A4 танкі жеткізілетінін жариялады. 10 танктің бірінші партиясы маусымның аяғында, екіншісі – қыркүйекте уәде етілген.