Өрт қауіпсіздігі ережелерін бұзғаны 630 адамға айыппұл салынды
Фото: ҚР ТЖМ
Бүгін Төтенше жағдайлар министрі Шыңғыс Әрінов Үкіметтің өрт қауіпті кезеңге дайындық мәселесі жөніндегі отырысында сөз сөйледі. Министр мәліметінше, Төтенше жағдайлар министрлігі өрт қауіпті кезеңде халықтың және ел аумағының қауіпсіздігін қамтамасыз ету үшін кешенді шаралар қабылдап жатыр. Бұл туралы Sarbaz.kz ведомствоның баспасөз қызметіне сілтеме жасап хабарлайды.
Министрліктің болжамы бойынша, жаз ыстық болады, табиғи өрттердің болу қаупі жоғары. Қазірдің өзінде, елімізде 27 орман өрті және 122 дала жануы тіркелді. Олардың көпшілігі министрлік күштерінің қатысуымен, оның ішінде авиация тарту арқылы сөндірілді.
«Өңірлерде өрт қауіпсіздігі бойынша профилактикалық іс-шаралар жалғасуда. Орманды дала алқаптары мен демалыс орындарында мобильді топтар рейдтер жүргізіп, нәтижесінде өрт қауіпсіздігі ережелерін бұзғаны үшін 630 адамға айыппұл салынды. Сонымен қатар, шаруа қожалықтарын аралау жұмыстары жүргізілуде.