Биыл Қазақстан ШЫҰ мен ҰҚШҰ-ға төрағалық етеді
Фото: Ақорда
Мемлекет басшысы Қасым-Жомарт Тоқаев 8-9 мамыр күндері Мәскеуге барады. Бұл туралы ТАСС агенттігіне берген сұхбатында Қазақстанның Ресейдегі елшісі Дәурен Абаев мәлімдеді, деп хабарлайды Sarbaz.kz.
«Біздің президенттеріміздің кездесулері жиі өтіп тұрады. Владимир Путиннің қазан айындағы Қазақстанға сапарынан кейін біздің президенттеріміз екі рет – Санкт-Петербургтегі ЕАЭО және ТМД саммиттерінде, сондай-ақ ақпанда Қазан қаласында өткен «Болашақ ойындарында» кездесті. Президентіміз 8-9 мамырда Мәскеуге іссапармен баруды жоспарлап отыр.
Биыл Қазақстан ШЫҰ мен ҰҚШҰ-ға төрағалық етеді, сәйкесінше, осы форматтар аясында біздің көшбасшыларымыз арасында да кездесулер өтеді», - деп елші Ресей мен Қазақстан басшыларының 2024 жылға арналған байланыстары жоспарына түсініктеме берді.
8 мамырда Мәскеуде ЕАЭО мерейтойлық саммиті өтеді.