Украинаға батыс елдерінен әскери көмек жеткені туралы ақпарат тарады
Фото: Bild
Өткен аптада Ресей Қарулы Күштері Авдеевканың солтүстік-батысында үстемдік жасап, Очеретино ауылына дейін жетті. Бұл туралы Sarbaz.kz тілшісі Bild басылымына сілтеме жасап хабарлайды.
Басылым мәліметінше, ресейліктер осылайша Украина қарулы күштерінің позицияларына 3 шақырым тереңдей түсті. Содан бері олар пайда болған плацдармды үнемі кеңейтіп келеді.
Bild сарапшысы Джулиан Рёпкенің айтуынша, Ресей әскерлері Архангельск ауылына кіріп, Сокол ауылына қарай жылжып барады.
«Ресей басқыншы күштері Архангельскінің оңтүстік бөлігін басып алып, Соловьев пен Соколдың ортасынан өтті. Олар үлкен шығынға ұшырап жатыр, бұл украиналық қорғаушылар үшін жаңа оқ-дәрілердің келгенін көрсетеді», – деп жазады Рёпке.
Айта кетейік, осы аптаның басында Ресей қорғаныс министрлігі Донецк облысындағы Семёновка ауылының басып алынғанын мәлімдеген болатын.